De Kerch steht oberhalb vun Ort, mit Turm un Glockn drauf.
Dos ist es Haus fir Gottes Wort, mr guckn garne nauf.
Mr hobn se ah schie vürgericht', un drinne frisch gemolt,
Dr Turm is nei, es Dach is dicht, mr hob'n ah viel bezohlt!
De Kerch' ruft alle: "Kummt när rei!" Un wos se sogt, dos stimmt.
Nu gieh mr doppelt garne hi, wenn fei dr Sonntich kimmt.
Mr missn ah en Pfarrer hobn, dar bei uns redn tut.
Ar brengt's, mr muß ne werklich lob'n, un macht sei Sach' fei gut.
Ar redt su sacht un iewerlecht, sei Pred'chn ist ne Fräd'.
Un wenn mr'n noch dr Bibl freecht, do wess ar ah Beschäd.
Sei Wort gieht miet ben Labnslaaf, in Harzn eigekerbt.
Mr brauch'n doch ze Hochz'ch un Taaf', un ah, wenn ener sterbt.
De Kerch gehert zu unern Ort wie's Pinktl iewern "i".
Mr fiehrn die Bräuch un Sitt'n fort, un tu dodrauf bestieh.
Wos unern Vatern heilich war, dos is uns ah net gleich,
un darüm sei mir Gahr fir Gahr an Heil un Segn su reich.
Wolfram Böhme über die Pobershauer Kirche und Pfarrer Frank Seifert.